مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الأحد، 5 فبراير 2012

13 شاهدوا هذا الفيديو حتى تعلموا أننا ظلمنا حسنى مبارك

     أنا بجد زعلت على حسنى مبارك بعد أن شاهدت هذه اللقطات للرئيس السابق "حسنى مبارك" بصراحة قال كلاما ثوريا أكثر من ثوار 25 يناير وقال كلاما بجد قنبلة بس احنا شعب "وحش" لما يكون الرئيس اللى بيحكمه ثورى ميعجبوش لازم كل الناس تشوف هذا الفيديو "علشان" يعتذروا لحسنى مبارك الراجل من زمان وكان ناوى يسمع كلام الرأى العام وينصت لقرار الشعب بس الشعب لم يعطه الفرصة الكاملة ايه يعنى يحكمنا 30 سنة ولا حتى 100 سنة طالما إن نية الراجل كان هيرضخ للرأى العام المصرى ولا يستطيع أن يتجاهله بجد احنا ظلمناك كتير يا عم حسنى،وأنا شايف إن مجلس الشعب المفروض يطلع بيان اعتذار للسيد الرئيس،ويطالب بعودته للرئاسة كمان 30 سنة عشان ربنا ميدخلناش النار بسببه وعشان نكفر جميعا عن سيئاتنا لازم نعمل للرئيس زيارة جامدة فى سجنه وكل واحد معاه فردة "شبشب" يضرب بيها نفسه أمام السيد الرئيس إعترافا بذنبه وإنه خرج ضده،وده يعنى إن الشعب مكنش فاهم سياسة جدو "حسنى" والراجل قال بعضمة لسانه إنه شايف الصورة سودة ومهببة وبرضه قال إن ربنا اعطانا عقل نفكر بيه وهو كان قاعد يفكر بس احنا شعب منستهلش واحد زى فخامة الرئيس حسنى مبارك أمد الله فى حبسه أستغفر الله أقصد أمد الله فى عمره يمكن الشعب يرجع فى كلامه ويروح يجيبه لأن الشعب مش عارف يعيش من غيره والمصيبة إن الناس بيظلموه ويقولوا هو اللى ورا مذبحة "بور سعيد"وهو يا حبة عينى نايم ومش قادر يتكلم فى السرير من يوم المحاكمة،وياريت سايبنه لا ده  حتى مراته الست الكمّل اللى مفيش منها اتنين فى المديرية وقال النائب الدكتور مجدى قرقر عاوز يحطها فى سجن القناطر يعنى لازم نحبسها يا دكتور خليها برة أهى بتعمل زيارة للرئيس خليك حنين يا دكتور شوية على الست سوزان وبخاصة لما تشوف الفيديو المنشور فى هذه التدوينة وقد إيه حسنى مبارك كان بيحترم إرادة الشعب،وإنه مع الشعب إذا قرر الإطاحة بنظامه ياه لو انتظر الشعب على حسنى مبارك كمان 30 سنة كان هيسمع الكلام وهيمشى لوحده مكنش لازم الاستعجال يا جماعة.


13 التعليقات:

غير معرف يقول...

هو فى الاول كان كويس بس العبره بالخواتيم

أبوالمعالى فائق يقول...

علشان كده دائما أقول لأحبابى وأصحابى يدعولى بحسن الختام وربنا يحسن ختامنا جميعا

الحاج محروس محروس محمد اسماعيل يقول...

.أيها السادة ..راقبوا الثعابين...فهى أولى بمراقبتكم......فإن سكنت ....فراقبوا سكونها....و‘ن تحركت ....فحطموا رؤوسها بالنعال......حتى تطمئنوا إاى موتهاوإلى اللأبد.....واعصرواأذهانكم......وافهموا ما أقصد.... (الحاج محروس محروس محمد إسماعيل

غير معرف يقول...

حسني مبارك العميل الامريكي الاسرائلي , هل نسى تعاونه ومساعدته للامريكان بإحتلال العراق؟؟ام نسى اغلاق معبر رفح على اخوانه اهل غزه؟ او او او او!!! عجيب يا زمن (وين صار بيك الدهر).

QELLIL يقول...

أبو المعالي طيب
ومني لهـ تحايا جميلهـ وطيبات
يا أ. فائق..(حصني) في طرهـ من صيد أمس.وأحنا اليوم؛ مايــسير نكون ولاد قبل أولتمس.؛ والـساعة اليومين ذي ســارة زي الثــواني. فبلاش نفك البوقش ونشوف خلق قديم من ثاني.؛ نعيش اليوم ونــفكر لبكرهـ.وبكرهـ ذا لازم يكون غير زمان؛لازم يكون جميــل وكـمان شــي ثاني؛ تعرف يابوالمعالي كيـــف أعرفالعربي الحر.أسألهـ تحب مــــــصر.إن أجاب بـــــــــــنــــــــــــــــــــــــــــــعم أعرف إنهـ عربي قح وأصيل وسكرهـ زيادة.؛طــيب ليش مافي مسؤل كناني يخرج ويقول بســم الله وعلى بركـة الله فتحنا بـــاب التبـرع لأم الدنــيا.؛ فــقـط مـن الشعوب العربية. شوف أراهنك وبروحي مصــر لربع قرن عمــرها ماحتــحـتاج لصندوق الـهم والـغم والبلاوي.؛ولعلمك ترى ديــــك أمي طالع من ذا الصندوق لأنهـ ما حيرحم أمي الـحرهـ الكنانيهـ أم الـدنيـا وكل الـدنـيــا.
وسامحني على طول يكناني
qellil

shimoo feps يقول...

مبارك يبقى رئيس دولة ازاى كان مش عارف اللى بيحصل فى شعبه هو بس كان هايتنازل عن الحكم لانه خاف وبسبب الضغط اللى عليه وتخلى أوباما عنه وتأييده للثورة لو كان مبارك كويس كان ترك الحكم لما وجد انه مش قادر يمنع الفساد اللى فى الحكومة والقيادات لو كان كويس مش كان يستنى لما تحصل ثورة

traveller يقول...

و هو كان فين عاقله و منطقه اللى بيقول عليه لما كان بيحكم البلد و سايبها تتنهب مش كدا و بس بل كان بينهبها هو و اولاده , ارحمونا بقى الله يهديكم

traveller يقول...

على فكره الفيديو دا يدينه و ليس فى صالحه

mnas2006 يقول...

سبحان الله نسى انه تعاون مع الامريكان في غز العراق ، وسبحان الله الذي ادخله سجن من سجون مصر ويتمنى الموت في كل دقيقه ، اما الرئس صدام مات موت الكرام

غير معرف يقول...

ثقافة الهزيمة .. مغامرات البقرة الضاحكة

ما قصة لوسي أرتين؟

ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.

هل قصر الرئاسة كان يدار بهذه الطريقة؟
- القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .

هي سوزان كانت بتحس بالغلط اللي كان بيعمله الرئيس؟
- هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب

ھل تزوج علیھا؟
-لا ھو مش محتاج یتجوز .. البركة في زكریا عزمي وجمال عبدالعزیز....

باقى المقال ضمن مقالات ثقافة الهزيمة (بقلم غريب المنسى) بالرابط التالى www.ouregypt.us

غير معرف يقول...

مين اللي قال ان الانتخابات حرة ومنهم من المرشحين يرشواالناس من الطبقة الفقيرة والاميةليرشحهمتحت طاءلة قال الله وفال الرسولولاسمعنا ده ولاده سمعنا منه قالت امريكاوولادي اخزه جنسية امريكا دليل علي ولاه لامريكا فين ولائك لمصر علشان تقول انا مصري احمي بلدي ياعم الشيخ معجزة الانبياء انتها فنحن نعلم مالزي يقوله الله ومايقله الرسول نحن نريد رئيس يعطينا الامان والاستقرار لبلدنا يشترينا مش يبعنا اتقوا الله فينا ازا كان عندكم زرة ايمان فمن غشنا فليس منا

غير معرف يقول...

ياشعب مصر اصحو من الغيبوبة اللنتو فيها نحن في اختبار من عند الله قبل ان نغرق ولانجد سفينة نوح لكي تنقزنا نحن موءمنين وموحدين بالله مش محتاجين واحد يقول اللي يريده تحت طالة قال الله وقال الرسولويفعل هو مايريد وهو لايعلم حدود الله ولانواهيه لانريد فتنة الدجال يقول اناالرسولفاءمنو ا بي نحن نريد رجل سياسي ينهض بهزه البلد يرجع لها مكانتهافي العلم كله عايزين مثل محمدانور السادات نريد نصر مش نكسة تانية

غير معرف يقول...

احمد شفيق مرشاش حد لكي يحصل علي كرسي الرئاسةفالانتخابات كان ماشيها بنزاها وتركنا نختاره بانفسنا بدون تدخل من احد هاتقول كان من انظام السابق يعني يعلم كل شيء قام به الرئيس السابق ويعلم مالزي يرفع هزه البلد يعلم اولها واخرها كل البيحصل حولين اللجان تزوير ورشاوي بصورةمواللاه يهيء مافيه الخيرمخيفة تدل علي تمويل خارجي لجماعة الاخوان فانقزوا بلادكم واولادكم من الطوفان اللهم مابلغت اللهم فاشهد قولت كلمة حق احاسب علبه يوم الدين اللهمابلغت الله مافشهد

إرسال تعليق