أعزائى قراء مدونة لقمة عيش أكيد حضراتكم تعلمون موضوع الأخ شعبان عبدالرحيم الذى تم نقله إلى العناية المركز بعد أن أصابته وعكة صحية ألمت به ثم اكتشفوا أن " شعبولا " زود التعميرة حبتين وتقريبا المعسل كان مغشوش زى الفسيخ بتاع شم النسيم " أنا عارف إنها تدوينة مريحة " لكن علشان خاطر عيون " شعبولا " لازم ندوس على كل حاجة بداية من القواعد اللغوية وحتى مصطلحات التدوينة فنعتذر لكل السادة زائرى المدونة ونعدهم بتدوينة أخرى " تشوشر وتغطى " على ريحة التعميرة والمعسل والفسيخ " المهم وجدت كثيرا مهتم بحكاية " شعبولا " وكأن الراجل كفر بالله ، أو كانه راح حوار الأديان وسلم على بيريز ، أو هو اللى قفل معبر رفح ونسوا إخواننا أن شعبان لما غنى زمان " هبطل السجاير " كان الرجل دقيق مع نفسه ولم يكذب لأنه لو قال " هبطل الحشيش كان الراجل يبقى كذاب وفى الحالة دى نتصل بهيئة القضاء الشرعى عند جماعة الخير ونشوف " شعبولا " يستحق كام جلدة هل ستكون 750 جلدة ويبقى يوم اللى خلفوه أسود من سوط الجلاد وممكن واحد حسود يكون غيران من " شعبولا " يروح يستأنف علشان يبقى الـ " 750 " يبقى " 1500 " ومن سوء حظه انه مش " دكتور " ده إذا كان الدكتور محدش سأل فيه يبقى شوف بقى لمّا القاضى الشرعى يعرف أن " شعبولا " مطرب " هشك بشك كان بيشرب حشيش " يبقى الجلد بالنسبة له رحمة وممكن القاضى يكون قرفان من أغانيه ويخبطة حكم بقطع رقبته ويبقى واحد يقابلنى ويدافع عن شعبولا ، لكن أنا بصراحة من المعجبين بسياسة " الحاج شعبولا " على فكرة هو أدى فريضة الحج ولمّا وقف وشاف الناس على عرفات دعا ربه وقال " يارب أشوف ناس زى دول يسمعولى " فقلت فى نفسى طيب ليه معملش مؤلف أغانى يمكن لمّا يخرج شعبان وحد يبلغه بيها يغنيها ع السنة الجديدة
الأغنية
هبطل الســـــــــــــجايـــر ، واشــــــــــرب الحــــــــــــــشيش
واكــون إنـسان جـديــــد ، ودايـــما مــــــــــــــع الشــاويــــش
ومـــــن أول السنــــادى ، أدور ع البـــــــــــــقشــــــــــــيش
وانـــــــــام فى المتشفى ، والبـــــــــــس أحـــــــلى قميـــــص
وبحــــــلق فى الدكتورة ، وانــــــــــا باكـــــــــــل العيـــــــش
واكتـــب ع الســــــرير ، بــــلاش دعــــــــــم العـــــــــــــيش
وفتّحى يا حكــــــــومة ، ورخّـــــــــــــــصى الـحشيــــــــــش
دى لازم التعمــــــيرة ، بعد ما لبســــــــــــنا الـــخــــــــــيش
دى الانتــخابات جاية ، ولازم الحشيش ، ولازم الحشيــــــش
خلّى العسكرى يزوّر ، بأوامــــــــــــــر الشــــــــــاويـــــــش
خلى العسكرى يزوّر ، باوامـــــــــــــر الشــــــــــاويـــــــش
ويا ما غنيت لسيادته ، واخرتــــــــها شــــربنا حشــــــــيش
يا ريتنى ما غــنيت ، وقعــــــــــدت جـــنب الــــــحـــــــــيط
ويخرب بيت اللــى ، قال لى أشــــــــــرب الـــحشـــــــــــيش
زمانه شمتان فـيه ، وبـــــينــــــــــافـــــق الرئـــــــــــــــيس
يخرب بيتك وبيته ، بعد ما ضــــــــــــــــاعت الملاطـــــــيش
ومفيش حد يسألنى ، يعنى إيه الملاطيــــــــــــــــــــــــــــش
إإإإإإإإإإإإإإإإإإإإييييييييييييييييييييييههههههههههههههههههههه
بس خلاص
|
|
|
2 التعليقات:
حلوة قوي قوي قوي التدوينه دي بجد
ومدونتك كلها حلوة الحقيقه
سلاموووووووووووووز
شكرا يا سيد سوووو على زيارتك للمدونة وعلى فكرة أنا زرت مدونتك عجوز وعنده 30 سنة وأجمل ما فيها الدعاء اللى فيه وفاء لأسرتك بجد حاجة جميلة ومدونة جميلة وشكرا
إرسال تعليق