إذا تحدثنا عن عمل مطب صناعى فى قرية من القرى لا يسمعنا أحد إلا بعد أن تدهس سيارة مواطن وتسحله فى الأسفلت ، إذا تحدثنا عن ضرورة صيانة السكة الحديد الحكومة تقول دى المعارضة بتهول والموضوع بسيط وتتحرك الحكومة فقط أمام التلفاز فى حالة قتل المئات حرقا داخل القطارات ، إذا قلنا يا خلق هوه لازم العبارات تكون مزودة بقوارب نجاة حكومة الخراب تقول كله تمام ولمّا يغرق أكثر من ألف واحد يهربوا الجانى ويطلعوه براءة وملعون أبو الضحايا واللى يساند الضحايا المهم يا حضرات احنا عندنا نظام متآمر على الشعب ملهاش تفسير غير كده يعنى لمّا نقول ان فيه مصيبة هتحصل علشان كيت وكيت بدل حكومتنا الله لا يطول فى عمرها تناقش الموضوع بموضوعية نجد واحد مخبر صحفى فاكر نفسه مصلح اجتماعى يفسر الأمور على مزاجه ويعتبر انتقاد أداء الدولة فى مواجهة الحريق شماته الله يخرب بيت أهلك إذا كان مجلس الشورى حصلت فيه الحريقة بالطريقة دى يبقى نسمى ده إيه على فكرة واسمعوها وافتكروا وشوفوا إذا الموضوع ده ملبسوش عامل البوفيه اللى ساب البوتجاز شغال ونسى يطفيه أو موظف الدفاع المدنى اللى ميقدرش يولع عود كبريت من غير إذن الباشا أى باشا المفروض موضوع مثل هذا لا بد فيه من تحقيق سياسى وجنائى ونشوف إيه الحكاية بالظبط لأن الحريقة دى لو طلعوا الناس اللى فى التحرير وكل واحد خد حفان مية كان طفاها فى نص ساعة والله انا عاوز اقضى رمضان فى طره على الأقل الواحد ميشوفش الأشكال العكرة بتاعت اللى اسمها حكومة حكومة الخراب والغرق والحرايق وقتل الشعب وتعذيبه ويجى واحد فسل يقول شماته شماتة ايه يا متخلف ويجى غيره عاوز يراجع شروط الأمان فى المصالح الحكومية تراجع إيه ولا إيه يا بلهاء اللى عاوز يستأسد يتكلم على مراجعة نظام الحكم انا كان رأئى أن يتم استدعاء كل أعضاء مجلس الشورى ويخلعوا بلابيص ويدخلوا فى النار ينقذوا تاريخ مصر ، لكن هؤلاء لا يهمهم تاريخ مصر لو كان يهمهم تاريخ مصر كانوا راحوا على النيل وانتحروا حزنا على تاريخ مصر لكن هؤلاء فقدوا حاسة الحياء عيب اختشوا دى فضيحتنا بقت بجلاجل بقت زى فضيحة مصر من السودان 4 صفر جتكم خيبة شوية عيال مغرورين أرجو أن تهدوا الهزيمة لحبايبكم مش كل ما تحرزوا نصر تهدوه لفلان وعلان والهزيمة دى لمين بقى يعنى بدل ما تتكلموا على الشامت وتنافقوا النظام على حساب الوطن طالبوا بإعدام الإهمال وأسبابه يا بشر اختشوا خلوا عندكم شوية حياء .
|
|
|
0 التعليقات:
إرسال تعليق