 |
| الصورة من موقع الأهرام |
خاص بمدونة لقمة عيش
فيه إيه حصل
فيه إيه جرى
دا اللى حصل واللى جرى
لا ينحكى ولا ينقرا
***
جيل م الشباب زى الهباب
عاملين مشاكل مسخرة
معدش تفرق .. بالقليل
اللى مؤدب .. ربع جيل
***
فاتوا المذاكرة والدروس
شالوا المطاوى والتروس
فى البانجو تاهت العقول
بعدوا تمام عن الأصول
***
ولا عاد يهم لهم كبير
ولا مدرس
أو غفير
***
ما هم استغلوا كل شئ
فرقة معلم.. بعدما كان للبيت صديق
صادوا الظروف: فى ميه عكره ووجهوا
كل التهم للمدرسة
***
وألفوا
أفعال كثيرة مؤذية
تضر أسمى مربية
***
تسألنى أقول إيه السبب؟
فى سوء نظام التربية !!
دلعنا زاد عن الحدود ..
إعلام جرئ كسر القيود
***
واللوم لاموه ..
على المعلم .. كتفوه
ومعدش أبدا تربية
***
لو كنتو ناويين تصلحوا
لو حتى عايزين تمسحوا
كل المشاكل والتهم
لا بد نرجع للقيم
***
وندق أجراس الخطر
قبل ما ينتشر الشرر
لازم بيوتنا كلها
مع المدارس تتحد
***
والعلم مش بس فى مدارس
لا بد تيجى التربية
قبل العلوم فى المدرسة
م المدرس
م البيوت
قبل الأوان - ما خلاص يفوت
ـــــــــــ
مع تحيات الشاعرة: فائزة سلام
شعر الأستاذة / فائزة سلام
ـــــــــــــــــــــــــــــــــــــــ
الشعب المعلم
*****
عظيمة يا مصر برغم الأنين
جــنودك بواسـل ومـكرمين
*****
كــنانــة ربـى علـى أرضــه
سلـمت يـا مـصر مـع دعمه
*****
إلهـى حــماك شـرور الفتـن
يا أمى يا غاليـة يا أم المدن
*****
وشــعبـك مـعلـم كــل الأمـم
بـدينه وعلمه طـول الزمـن
*****
أنا المصرى دوما انا قلتها
فــخـورا ببـلدى وبشعبــها
*****
عظيمة يا مصر يا أرض النعم
عظيمة يا مصر يا أرض النعم
هذه خواطر سيدة ترثى أخاها الذى وافته المنية حيث كان طبيبا ماهرا،ولم تستطع أن تنساه،وبفطرة الشعب المصرى الأصيل جلست مع نفسها لتقول هذا الرثاء تتذكر به أخاها وألفت شعرا بالعامية وضعت له عنوانا تحت اسم "أغلى وديعة" .
ـــــــــــــــــــــــــــــــــــــــــــــــــــــــــــــــــــــ
أغلــى وديــعة
*******
صحيح ربى استرد وديعته
لكن فى القلب باقية وجيعته
*****
أصل الوديعة غالية
متتقدّرش بتمن
*****
وان صفيت الأيام
برضه ... بتغدر يا زمن
*****
يا ابو الطب والدوا
فراقك حطم القلب وزوى
*****
كل أيام السعادة
معدش غير طعم الجوى
*****
لولا الإيمان بالله
والصبرغايته منتهاه
*****
لكنت أقول مش قادرة اصدق
لكن دا قدر الله
*****
آه فى القلب واقفة محجّرة
للآن مخرجتش بس زقانى لوره
*****
آه وآه وآه وألف آه
يا حبيبى ع اللى جره
*****
سرقتك منا الليالى والسنين
واحنا اللى كنا نشتهى نظرة عينيك
*****
ومعاك كان يجينا العيد بعد المغيب
يا ابو قلب طيب عذب اللسان وأغلى حبيب
*****
قدروك اللى معاك ولا حتى مقدروش
أصلى انت كنت معدن غالى ميفهمهوش
*****
إلا اللى زيك معدنه
وان يبعدوه ميقدروش
*****
باقى فى قلوبنا والله حى
العمر كله مننسهوش
التوقيع: "فائزة"
