فى محاولة للثقافة والبحث قرر مسئول "مدونة لقمة عيش" عمل مسابقة لقراء المدونة،تتلخص فكرة المسابقة فى نشر بعض الأشعار أو المقالات أو أى موضوع هادف،والمطلوب معرفة صاحب هذا الشعر أو الزجل أو المقال وأين ومتى تم نشره والجائزة ستكون عبارة عن كتاب قيم لصاحب الحل الصحيح أو كارت شحن موبايل قيمته 10 (عشرة) جنيهات،وتنتهى المسابقة فى نهاية شهر سبتمبر 2012 وإليكم المسابقة الأولى بعنوان:
نداء الصحراء "شعر"
الــصـحرا عمّـاله تـــنـادى بتقول أنا خير لبلادى
عايزة اللـى يجيى يخـضّرنى عايزة اللى يجي يعمّرنى
عايزة همم ..عايزة أيادى
ـــــــــــــــــــــــــــــــــــــــــــــــ
عايزة الأيادى العمّالة تكشف كنوزى المنشالة
تطلع البترول منى والفحم يخرج من بطنى
وتاخدوا خيرى يا رجالة
ــــــــــــــــــــــــــــــــــــــــ
عايزة الجهات العلمية تنظر لى نظرة جدية
تبحث مشاكلى وترعانى وتخلى مجدى يعود تانى
وتبان كنوزى المخفية
ــــــــــــــــــــــــــــــ
عايزة الحضارة تملانى وألاقى أهلى وخلّانى
يعيشوا جنبى ويحيونى وبتوبى لاخضر يكسونى
ويبقوا أمنى وأمانى
ـــــــــــــــــــــــــــ
عايزة شباب المستقبل يكد فى البحث ويعمل
يبحث وسائل تعميرى لاجل الوطن يكسب خيرى
وسعد شعب النيل يكمل
ــــــــــــــــــــــــــــــــ
من بدرى كلكوا فايتينى ناسيين كنوزى وناسينّى
بيجى الدخيل يعرف حملى وأهلى يهربوا من رملى؟!
تعالو عندى وخدوا منى
ــــــــــــــــــــــــــــــــــــ
الخير كتير لوتهتموا وبكرة تحصدوا وتضموا
حايبان لكم منّى العجب الرمز كنز وفيه دهب
بس انتوا فى رحابى انضموا
ــــــــــــــــــــــــــــــــــــــــــــــ
أنا سر من أسرار الكون أنا كلى رهبة وكلى سكون
أنا آية من صنع الرحمن اللى خلق كل الأكوان
وكل شئ بإرادته يكون
ــــــــــــــــــــــــــــــــــــ
أنا دنيا تانية فى ملك الله أنا كنز كل الخير جواه
أنا خيرى حا يكفى الملايين لو يبحثونى المهتمين
حايلاقوا مجد .. وعز .. وجاه
ــــــــــــــــــــــــــــــــــــــــــــــ
ومثل تلك الأشعار الهادفة أتمنى لو أن السيد وزير التربية والتعليم قد وضعها فى مناهج الوزارة للتعليم الابتدائى أو الإعدادى ونأمل من السيد الأستاذ "محمد السروجى"مستشار وزير التربية التعليم أن يعرض عليه هذا الشعر الهادف لوصعه ضمن مناهج الوزارة.
|
|
|
0 التعليقات:
إرسال تعليق