صرح إسلام خليل لبرنامج صباح دريم أنه كان ينوى الترشح لعضوية مجلس الشعب فى انتخابات 2010 إلا أن مجمع الانتخابات لم يأت به مرشحا،وقال "إسلام خليل" أنه كان ينوى ترشيح نفسه لخدمة "الغلابة" الذين يراهم فى دائرته،ومن أجل المرضى الذين يعطوننى طلباتهم لعلاجهم عن طريق البرامج التلفزيونية مضيفا أن الناس يتصورون أنى لى علاقة بمقدمى البرامج مؤكدا أنه لا يعرف منهم أحد،وكان إسلام خليل قد ألف أغنية ضد ترشيح البرادعى ومؤيدة لترشيح الرئيس مبارك أو ترشيح نجله جمال قال فيها:
*******************
مش هنتخب البرادعى
ولا حتى فى الخيال
***
الريس لسه كويس
والصحة عال العال
***
مش أى حد يحكم
بلدنا بلد النصر
***
غير حد يكون عارفها
وعاش على أرض مصر
***
أنا حنتخبك يا ريس
لو حتى دمّى سال
***
وإن مترشحتش إنت
أنا هنتخب جمال
***
يا ريس إنت حبيبنا
وهتظبط الأمور
***
وتشيل كل اللى عامل
بينك وبينا سور
***
الناس عايزة الأمان
فى حياتها وأكلها
***
وانت اللى فى كل أزمة
نلائيك بتحلها
***
من غيرك يبقى رئيسنا
ويلم شملنا
***
دا انت فاهمنا ودارسنا
وعايش وسطنا
***
خليك معانا يا ريس
ونبقى إيد فى إيد
***
وعدى بينا الصعب
واعمل عبور جديد
***
الشعب المصر الطيب
عايز منك كتير
***
ومصر تستحق
مجهودك الكبير
***************
ومن المعروف أن الدكتور محمد البرادعى لن يرشح نفسه فى انتخابات الرئاسة القادمة حسب تأكيداته،لا سيما وأن قانون مباشرة الحقوق السياسية لا يعطيه الحق فى الترشح،وقد صرح البرادعى أن الرئيس القادم لمصر سيكون من الحزب الوطنى.
|
|
|
0 التعليقات:
إرسال تعليق