مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الأحد، 23 مايو، 2010

2 من أمريكا "جورج إسحاق" يطلب العون

      يبدو أن البعض لم يعد يهتم بما يدور حوله لقد آلمنى أن أسمع "جورج إسحاق" وهو يتكلم فى أمريكا كلاما يفهم منه التدخل الأمريكى فى شئون مصر فلقد وصلنى مثل كثيرين غيرى وصلهم هذا المقطع المصور الذى يدين كل من هم فيه ولم أكن أحب أن أرى المستشار الخضيرى فى هذا الموقف الذى استبشرنا باستقالته خيرا من القضاء وكنا نود لو أن نضاله بقى القاهرة لأن ما قاله السيد "جورج إسحق" يثير الريبة والشك فى هذه الزيارة فمثلا حينما يقول "يعنى انت هتئلب الترابيزة" فعلى من يريد قلبها جورج إسحق هل يريد قلبها على مصر؟ هو والخضيرى ومن دار فى فلكهما،هل يريدونها على غرار العراق ماذا يقصد حينما يقول احنا تعبنا من الكلام احنا عايزين إجراءات عملية وهذا كلام مبهم فماذا يقصد بالإجراءت العملية أن توضع مصر تحت البند السابع فى ميثاق الأمم لماذا يا سيد جورج وحينما يقول دول أسيادهم فى البيت الأبيض ولا يسمعوا الكلام إلا إذا جه من البيت الأبيض هل تريد من البيت الأبيض أن يحررنا إننا لا نثق فى ديمقراطية أمريكا ولا نثق فى أى معارضة تحتمى بأمريكا وعلى المعارضة الشريفة والوطنية أن تبدأ بحشد قواها وتتظاهر للتنديد بجماعة أمريكا وإلا فليكن الجميع شركاء مع هؤلاء الذين صاموا وأفطروا على وجعلوا قبلتهم إلى البيت الأبيض،وربما يخرج فيلسوف ليقول لى إن الحكومة والنظام فعلوا أكثر من هذا أقول له: هذا ليس مبررا لأن تخطأ المعارضة خطأ الحكومة وعلينا أن نناضل سلميا من أجل انتزاع حريتنا بأنفسنا وليس عن طريق عدونا الأول أمريكا.

وهذا نص الكلمة التى ألقاها جورج إسحاق فى أمريكا كما هى بالعامية

أنا هنا بامثل حاجتين أنا عضو فى الجمعية الوطنية من أجل التغيير وأنا عضو من أجل انتخابات حرة وسليمة وفى مصر بيئولوا نزيهة لكن نزيهة ماتت من زمان ودفناها احنا بنتكلم عن انتخابات حرة وسليمة اللى بيرأسها المستشار الخضيرى وليس لى أى علاقة تانية فى هذه الرحلة خالص إطلاقا وفعلا نجحنا فى اننا نعمل 3 مراكز مهمة من الجيل الصغير عملنا مركز فى ...ومركز فى نيويورك والنهاردة بنكمل بنعمل فى واشنطن إنت عايش فى بلد مواطن حر فى بلد حر أنا عايز ابقى كده فى مصر أنا عايز أعيش مواطن حر فى بلد حر وان انا لما اترحك محدش يجى جنبى لما اقاوم محدش ييجى جنبى لما اعمل مظاهرة ميحاوطنيش تلتلاف عسكرى فانت اذ لم نقم بعمل نناذل فى سبيل انتخابات حرة وسليمة مش هنوصل لأى حاجة الحاجة التانية انكم انتم مطلوب منكم تناضلوا فى سبيل التصويت لان كل شعوب العالم بتصوت يعنى السودان بيبعتوا مراكز فى الدنيا كلها والمستشار الخضيرى امبارح كان بيتكلم على انه التصويت حق بس روح صوت هناك للأمريكان هناك أو المغتربين كلهم عايز تصوت حقك مضمون بس روح مصر عرقلة عدد المصريين المقيمين فى الخارج 8 مليون من يصوت فى الانتخابات العامة 6 مليون يعنى انت هتقلب الترابيزة لو قدرنا ننجح اننا حصل على حق التصويت للمصريين فى الخارج هنعمل انجاز محصلش هذه القضية بالتحديد انا لا عايز حد يقوللى مثلا تعملوا ايه ولا تسووا ايه ولا تتركوا ايه يعنى تحليل السياسى والاقتصادى يعنى المؤتمر اللى كان معمول فى نيويورك ناس بتحلل وبتتكلم وبتعمل قوللى هتعمل ايه مصر عيانة و...هتطلعها ازاى أنا مش عايز كلام كتير كلام كتير أنا مش عايز خلاص احنا تعبنا من الكلام احنا عايزين اجراءات عملية ازاى ننقذ مصر المصريين فى الخارج ضرورى تساعدنى يعنى أنا شفت نموزج امبارح لأحد الأطباء عامل قسم الأطفال فى معهد ناصر للولاد المصابين بالسرطان عامل قسم كامل بالذات هو عايش فى أمريكا هنا ادونا نماذج من دى يعنوا قاعدين تتفرجوا علينا ازاى يعنى يعنى انتم موجودين فى بلد حرة وعندكم إمكانيات وعندكو العلم عايزين نستفيد بده يعنى ده دورين مهمين للغاية الدور الأولانى أن تضغطوا معنا فى سبيل انتخابات حرة ونزيهة وتصويت من الخارج الحاجة التانية إن احنا عايزين مساعدتكم وان مفيش حاجة تخوف خالص اللى بيتكلم على انه خايف من انه يوقع على المطالب عشان لما ينزل مصر يعنى هيضروه وهو خارج اظن ده كلام عيب وميتئلش لان احنا بنحبكم  علشان كد جاينلكم وبنقولكم خشوا معانا امال أنا اعمل ايه سمير يعمل ايه محمود خضيرى ده  فى سنه ده لما يقف فى مظاهرة احنا بنضرب نموزج احنا فى سن ضرورى نئعد نستريح بس احنا بنناضل وننزل ونضرب ونتخبط ونمسك فى الناس هو ده النموزج اللى احنا عايزين نعمله يعنى مثلا المظاهرة اللى تمت فى واشنطن حد قللى كانت صغيرة أوى كانت خمسين واحد قلت له دول عظمة دول سمعوا فى العالم كله اصل همه لو مؤاخذه اسيادهم فى البيت الأبيض ولا يسمعوا لاحد الا اذا ايجه من البيت الأبيض فانت بترعبه بتعملله مظاهرة هنا قدام السفارة فهو يتخض من الحكاية دى ارجو انكم تشدوا الرحال معانا تقفوا معانا متخافوش مفيش حاجة تخوف خالص إطلاقا

انتظروها قريبا كنسخة فيديو بعد تحميلها كما وردت

2 التعليقات:

أحمد خفاجي يقول...

رغم إعتراضي الشديد علي قدوم معارضبن مصريين إلي أمريكا لإعلان مواقفهم لا أجد فيما قال الأستاذ جورج إسحاق ما يثير الإستهجان
لقد كان يطلب العون والتأييد من مصريين يعيشون في امريكا ولا اجد اي غرابة في ذلك
ثانيا هل لدي المعارضه الوطنيه إعتراض علي ان يشارك مواطن مصري مثلي بالإدلاء بصوته في انتخابات بلاده وان كنت حاصلا علي الجنسيه الأمريكيه
اتمني ان يستخدم الوطنيون المصريون المصريين في الخارج لخدمة القضيه الوطنيه بدلا من التوجس خوفا منهم وبدلا من ان تستخدم بعض المجموعات المشبوهه في الخارج المعارضه المصريه لتمرير اجندات خارجيه

aboalmalli يقول...

لم يكن ما قاله جورج فى حاجة إلى أن يذهب إلى أمريكا وحضرتك تعلم كل هذاوالخوف كل الخوف من المجموعات المشبوهة والقفز على هذا الموضوع وما قاله كان يمكنه قوله فى مصر .

تقبل تحياتى

إرسال تعليق