مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الثلاثاء، 5 أغسطس 2008

16 حزر فزر أين تقع تلك الصورة ؟

حزر فزر أين تقع تلك الصورة هل هى فى الفلوجة من اقتحام أمريكى لأحد منازل المقاومة فى العراق ؟ أم هى فى أفغانستان لمنزل الملا عمر أم هى فى الصومال لأحد منازل أتباع شيخ محمد أم لا هذا ولا ذاك يبدو أنها من عمل قوات الاحتلال فى فلسطين المحتلة ؟ نحن فى انتظار إجاباتكم ومن يصل إلى الحل الصحيح له جائزة بأن يرسل إلينا صورته لوضعها على المدونة . والوقت محدود بعدها سأقول الإجابة مدة العرض 48 ساعة من الآن احجز صورتك من الآن

16 التعليقات:

غير معرف يقول...

هذه الصورة فى اليوم الأول من سقوط بغداد لأحد المرتزقة وهو يعبث بأحد مكاتب تلفزيون العراق فى عهد الرئيس صدام

غير معرف يقول...

اخوى الصورة دى اعتقد انها فى دار فور

غير معرف يقول...

يا أخ عثمان بالله عليك دارفور فيها كومبيوتر واحد ، لكن الصورة متخرجش من عالمنا العربى المتخلف لكن فين الله أعلم وانا متنازل لواحد غيرى يحط صورته وبجد الفكرة هايلة رغم انها فقعت مرارتى .

غير معرف يقول...

انا شفت صورة مشابهة أيام الحرب بين إسرائيل وحزب الله ممكن تكون الصورة فى لبنان من آثار الحرب وانتهاز البلطجية أو ممكن من ايام حزب الله ما قفل بيروت عاوز افتكر .

غير معرف يقول...

هو فيه كلب من كلاب الاحتلال يقدر يهوب ناحية منزل الملا عمر ومش ممكن تكون الصورة دى فى الصومال همه عارفين ياكلوا شكل المكان فى تحضر الصومال لا أخاف تكون الصورة دى من المحلة الكبيرة أيام 6 ابريل شكلى أنا جاوبت صح يا ريت تنزل صورتى

غير معرف يقول...

دى أكيد صورة مفبركة وعاوزين تورطوا فيها الحكومة

غير معرف يقول...

الصورة دى مش ممكن تكون فى مصر وطالما انها مش فى مصر انتم زعلانين ليه حاجة غريبة والله

غير معرف يقول...

فى البداية تعازينا إلى كل حر فى مصر بوفاة المجاهد إبراهيم شكرى ، أما عن الصورة فأعتقد أنها من أثار عملية تفتيش لمباحث أمن الدولة ، لكن أين ومتى الله أعلم .

غير معرف يقول...

ممكن تمدد المهلة كام ساعة أون بحثت فى المواقع تقريبا الصورة حديثة يا داهية سودة تون الصورة دة فى مصر انا هازعل خالص

Bella يقول...

قلبي بيقولي الصورة دي في مصر
واكيد دي مداهمة لبيت احد المدونين

هههههههههههههه

شوقى رجب يقول...

برافوا يا بيلا والله انت اللى عرفتينى الصوره دى فين بالضبط مع انى دخلت المكان ده عشرات المرات
المكان المركز العربى للدرسات
وهذا كان بسبب تدمير وسرقه اجهزه المركز من قبل بلطجية النظام

عاوززززززززززززز المكافاة

Bella يقول...

اهلا شوقي

ماانت لو تعرف المكاف’ هي نشر صورتك

فلو انا فزت بالجايزة ح اديهالك

ههههههههههههههههههههههههههههه

Unknown يقول...

هو بالفعل المكان المركز العربى للدراسات فى المنيل وبما أن الأخ شوقى هو الذى حدد المكان فصورته فى المدونة لأكثر من مرة وشكرا للأخ بيلا لأنه كان قريبا من الحل .

Bella يقول...

أخ

كده بقى ازعل قوي

انا مش اخ

انا اخت

وسبق ورديت في مدونة حضرتك كذا مرة

Unknown يقول...

أنا آسف جدا يا ست بيلا ويا أخت بيلا وعلشان خاطرك سأضع الموضوع كاملا على المدونة

Bella يقول...

العفو يااستاذنا

انا مش زعلانة ولا حاجة

ده مجرد مزاح برئ والله

كتير بيخاطبوني بصيغة الاخ مع اني حاطة في البروفايل صورة واحدة ست

بس يظهر الناس متعودة تتكلم بصيغة مذكر دايما

ههههههههههههههه

إرسال تعليق