حزر فزر أين تقع تلك الصورة هل هى فى الفلوجة من اقتحام أمريكى لأحد منازل المقاومة فى العراق ؟ أم هى فى أفغانستان لمنزل الملا عمر أم هى فى الصومال لأحد منازل أتباع شيخ محمد أم لا هذا ولا ذاك يبدو أنها من عمل قوات الاحتلال فى فلسطين المحتلة ؟ نحن فى انتظار إجاباتكم ومن يصل إلى الحل الصحيح له جائزة بأن يرسل إلينا صورته لوضعها على المدونة . والوقت محدود بعدها سأقول الإجابة مدة العرض 48 ساعة من الآن احجز صورتك من الآن
|
|
16 التعليقات:
هذه الصورة فى اليوم الأول من سقوط بغداد لأحد المرتزقة وهو يعبث بأحد مكاتب تلفزيون العراق فى عهد الرئيس صدام
اخوى الصورة دى اعتقد انها فى دار فور
يا أخ عثمان بالله عليك دارفور فيها كومبيوتر واحد ، لكن الصورة متخرجش من عالمنا العربى المتخلف لكن فين الله أعلم وانا متنازل لواحد غيرى يحط صورته وبجد الفكرة هايلة رغم انها فقعت مرارتى .
انا شفت صورة مشابهة أيام الحرب بين إسرائيل وحزب الله ممكن تكون الصورة فى لبنان من آثار الحرب وانتهاز البلطجية أو ممكن من ايام حزب الله ما قفل بيروت عاوز افتكر .
هو فيه كلب من كلاب الاحتلال يقدر يهوب ناحية منزل الملا عمر ومش ممكن تكون الصورة دى فى الصومال همه عارفين ياكلوا شكل المكان فى تحضر الصومال لا أخاف تكون الصورة دى من المحلة الكبيرة أيام 6 ابريل شكلى أنا جاوبت صح يا ريت تنزل صورتى
دى أكيد صورة مفبركة وعاوزين تورطوا فيها الحكومة
الصورة دى مش ممكن تكون فى مصر وطالما انها مش فى مصر انتم زعلانين ليه حاجة غريبة والله
فى البداية تعازينا إلى كل حر فى مصر بوفاة المجاهد إبراهيم شكرى ، أما عن الصورة فأعتقد أنها من أثار عملية تفتيش لمباحث أمن الدولة ، لكن أين ومتى الله أعلم .
ممكن تمدد المهلة كام ساعة أون بحثت فى المواقع تقريبا الصورة حديثة يا داهية سودة تون الصورة دة فى مصر انا هازعل خالص
قلبي بيقولي الصورة دي في مصر
واكيد دي مداهمة لبيت احد المدونين
هههههههههههههه
برافوا يا بيلا والله انت اللى عرفتينى الصوره دى فين بالضبط مع انى دخلت المكان ده عشرات المرات
المكان المركز العربى للدرسات
وهذا كان بسبب تدمير وسرقه اجهزه المركز من قبل بلطجية النظام
عاوززززززززززززز المكافاة
اهلا شوقي
ماانت لو تعرف المكاف’ هي نشر صورتك
فلو انا فزت بالجايزة ح اديهالك
ههههههههههههههههههههههههههههه
هو بالفعل المكان المركز العربى للدراسات فى المنيل وبما أن الأخ شوقى هو الذى حدد المكان فصورته فى المدونة لأكثر من مرة وشكرا للأخ بيلا لأنه كان قريبا من الحل .
أخ
كده بقى ازعل قوي
انا مش اخ
انا اخت
وسبق ورديت في مدونة حضرتك كذا مرة
أنا آسف جدا يا ست بيلا ويا أخت بيلا وعلشان خاطرك سأضع الموضوع كاملا على المدونة
العفو يااستاذنا
انا مش زعلانة ولا حاجة
ده مجرد مزاح برئ والله
كتير بيخاطبوني بصيغة الاخ مع اني حاطة في البروفايل صورة واحدة ست
بس يظهر الناس متعودة تتكلم بصيغة مذكر دايما
ههههههههههههههه
إرسال تعليق