مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الثلاثاء، 22 يناير 2013

4 تخيل لو مواطن مصرى راح يدفع 14 ألف جنيه ضرائب فكة

     قرأت خبرا فى جريدة المساء تحت عنوان "يدفع للضرائب 14 ألف دولار فكة" والموضوع: إن مواطنا أمريكيا فى مقاطعة ريديكس بولاية كاليفورتيا اسمه "لارى جاسبر" ذهب لدفع الضريبة المستحقة عليه وهى 14 ألف دولار المفاجأة أن عمنا "جاسبر" كان واخد الفلوس فكة يعنى سنتات معدنية وأوراق من فئة الواحد دولار،طبعا أنا قرأت الخبر وجلست أتخيل الراجل الأمريكى الغلس وهو فى المصلحة التى سيدفع فيها الضرائب،وتخيلت منظر مسئول الخزينة إذا كان عندهم خزينة يعنى..لكن قبل تخيلى لهذا الموقف المستفز تخيلت هذا يحدث فى مصر أن يذهب مواطن ومعه 14 ألف جنية ارباع وانصاص وجنيهات وتخيلت هذا الحوار:

المواطن: صباح الخير ياباشا
مسئول الخزينة: يبص وفى يده ساندوتش فول ..اتفضل افطر.
المواطن: يا باشا الساعة 10 دلوقت وأنا مش فاضى ورايا شغل والدنيا واقفة.
مسئول الخزينة: خلاص يا أستاذ دقيقة واشوفك الدنيا مطارتش.
المواطن: يا أستاذ أنا هادفع مبلغ للدولة وممكن يطول.
الموظف: يا أستاذ إنت مش أحسن من الناس اللى واقفة من الصبح دى.
المواطن: وموقفهم من الصبح ليه إنت متعرفش إن فيه ثورة.
الموظف: هههههه ثورة ابقى سلملى ع الثورة.
المواطن: عندك حق مهو لو فيه مسئول يحاسبك ع الكلام ده كان زمان خلصت كل الناس اللى واقفة دى.
الموظف: انت هتعمل فيها ناشط سياسى تعالى يا عم أخلصك خللى اليوم ده يعدى ع خير،هاتدفع كام؟
المواطن: ده مبلغ بسيط 14 ألف جنيه.
الموظف: ميات ولا خمسينات ولا ميتينات.
المواطن: ولا ده ولاده.
الموظف: هاتهم يا سيدى عشرينات عشرينات احنا ناقصين عطلة.
المواطن:ياريت حتى عشرينات ولا حتى عشرات.
الموظف: هو يوم بايتن من أوله خمسات خمسات هاتهم بس بعد ما تعمل كل خمستلاف فى أستك.
المواطن: خمسات إيه وعشرات إيه أوم من مكانك شيل معابا "زكيبة" .
الموظف: زكيبة هه زكيبة آل هههههه يا نهار اسود الراجل ده أكيد حد مسلطة عليه النهارده.
المواطن: هى المصلحة مفهاش عمال يجوا يشيلوا الفلوس اللى بيأبضوا منها آخر كل شهر. ولا زمانهم روحوا أيوة البلد سايبة.
الموظف: يا جدع انت هات الفلوس وخلصنى وراك ناس عاوزة تروح.
المواطن: انت اللى معطلهم مش أنا،إنت بئالك ساعتين تفطر،كنت فطرت فى بيتك قبل ما تيجى.
الموظف: ماشى الله يسامحك هات فلوسك وربنا يستر طريقك.
المواطن: بص ياباشا أنا الفلوس اللى معايا فكة سبعتلاف ارباع حديد من الربع المخروم،عارفه يا باشا.وخمستلاف انصاص،وألفين جنيهات.،هاتعدهم ولا هتخدهم كده وخلاص أنا مش فضيلك ورايا شغل متلتل؟
الموظف: إنت منين يا أستاذ،انت من بلدنا،هى نائصاك الحالة منيلة بستين نيلة،بص أنا مش شغال النهاردة عشات خاطرك،بص أنا هاطلب نئلى من هنا دى ايام سودة يحرق.......الثورة واللى عملوا الثورة،أنا فلول يا ولاد ال........واللى مش عاجبه يورينى نفسه.
المواطن: ايه ده هو انا جاى اشحت من الراجل ده،دى فلوس جاى ادفعها.
الموظف: يا ناس يا مدير با عالم حد يمشى الراجل ده بعيد عنى أنا العفاريت بتتنطط أُدامى.
المواطن: أنا معتصم هنا لما تاخد الفلوس منى،أنا عاوز المحافظ،فين الإعلام.
الموظف:فين فلوسك؟
المواطن: أهه فى الزكايب
الموظف: بعد أن فتح الزكايب،وآدى فلوسك لمها بأه.وخلى المحافظ ينفعك دى بلد من غير ريس
المواطن: الحقونى يا ناس الموظف بحتر فلوسى ،فين الشرطة..يسقط يسقط حكم المرشد.
موظف بلحية: السلام عليكم يا أخى خير انت زعلان ليه والمرشد ذتبه ايه.
المواطن: يعنى انت بئالك ساعتين سامعنا حرئتك كلمة المرشد يبقى انت حرية وعدالة ولا إخوان آدى اللى جانا من الإخوان
المدير: خير يا أستاذ
المواطن: هايجى من الخير انا عاوز فلوسى اللى اترمت ع الأرض انا هاصور قتيل هنا ياولاد ال........
المدير: ألو بوليس النجدة.
بوليس النجدة: تعم فيه ايه انا لسة ماسك النبطشية
المدير: يا حضرة الشاويش الموضوع خطير
بوليس النجدة: يعنى ايه خطير حد مات حد اتقتل،فيه حريق .
المدير: يعنى ايه جاى ولا مش جاى احنا فى خطر.
بوليس النجدة: يا عم رووووووووووووح هى ناقصة تيت تيت تيت.
المواطن: منك لله يا مرسى مفيش ولا حاجة اتعدلت فى البلد.
مواطن ماشى فى حاله: هو مرسى هيعمل ايه ولا ايه كل واحد يتخانئ مع مراته فى البيت يفول مرسى هو السبب لو انا منه كنت سبتها

4 التعليقات:

شعبان دنيا يقول...

بعيدا عن الموضوع *

متى تعود المياه وتجرى بالنهر ٍُ

متى يعود المقاتل الى درعه وسيفه

متى يعود المجاهدالى جيشه الذى ساهم وشارك فى تاسيسه

متى يعود الرفيق الى رفقاءالدرب العسير وشركاء التاريخ الطويل المملوء بالفخر والاعتزاز والوطنية الصادقة التى نحن التلاميذ نحاول ان نفهما ونتعلم منها

هل بكل بساطه ننسى هذا التاريخ والرفقاء والشركاء

كل ما اريده ان نتسامح ونتقارب ونعذر بعضنا لبعض ونعود لاسرتنا الكبيره وحزبنا العريق اخواننا الذى نعشقهم وانا على يقين انك مازلت تعشقهم لانهم بالنسبة لحضرتك هم الاخوة والتاريخ وانت ضمن هذا التاريخ

وسؤالى الاخير متى يعود السمك لبحره بلاش دى

متى تعود الروح للجسد


اسمح لى اقول لك اخى الحبيب انا اسف اذا كنت تجاوزت حدودى ولكنى حزين جدا لبعدك واقولك عد الينا

أبوالمعالى فائق يقول...

الصديق والأخ العزيز الأستاذ شعبان دنيا...المحترم

كم يعلم الله أنى أحبكم فى الله،ومحبة خاصة لك وللأستاذ خالد،وكل الإخوة الكرام من التقيت بهم فى منزلك وتلك المحبة ستظل إن شاء الله لا صلة لها باستقالتى من حزب العمل الذى تعلمت منه أن الحق فوق الأشخاص،وكل قيادات وأعضاء حزب العمل يعلمون كم أحبهم جميعا،وليس بينى وبينهم أى سوء،وهم الذين جعلوا من وجهات النظر المختلفة خصومة وهم أحرار،وليتها خصومة على شئ محمود..بل هى خصومة ليست لله بل من أجل دولة ظالمة هى إيران وجناحها العسكرى فى المتطقة ما يسمى بحزب الله.

غير معرف يقول...

والله بضحك على اخرى فيه كام قفشه فى الموضوع جامده ملهاش حل
تسلم يا استاذنا
اكيد مش عارفنى

abou faten يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة رش مبيدات بالجبيل
شركة تسليك مجاري بالجبيل
شركة كشف تسربات المياه بالجبيل

إرسال تعليق