مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الأربعاء، 29 سبتمبر، 2010

3 سرقة الإله "حتحور" !


ضحكت حتى القهقة إلى خرج أحد أبنائى يسألنى عن سبب ضحكى وأنا دائما كنت أقول له الضحك من غير سبب قلة أدب،لكن لم أستطع أن أمنع نفسى من الحالة الهستيرية التى أصابتنى بعد أن قرأت خبر سرقة الإله "حتحور" وهنا لا بد أن أذكر أسباب ضحكى وهى أن الإله "حتحور" كان حامى لمناطق مناجم الفيروز فى جنوب سيناء،الأدهى والأمر أن وزن سعادة الإله "حتحور" 200 كيلو غرام حسب ما ذكر موقع اليوم السابع،وأن طول بسلامته السيد الإله "حتحور" 120 سم وأن عرضه 60 سم وبصراحة جلست بينى وبين نفسى أسألها ماذا لو فكرت فى يوم ما أن أقوم بدور لص فكيف لى أن أنقل 200 كجم وكيف أخبئها وبأى وسيلة أنقلها،وهل وضع السيد وزير الثقافة كتالوج لكيفية نقل "حتحور" أو "حتحورة" لأنه وصف الذى سرق زهرة الخشخاش بالغباء لأن المكان كان فيه ما هو أفضل وأثمن ونسيت أقول إن ثمن "حتحور" باشا الفرعونى قدر بمبلغ 30 مليون دولار،ونضيف عليهم أجرة عربة كارو بـ3 جنيه،وكام شحط لرفع "حتحور" على العربة وكل شحط سيأخذ أجرة 10 جنيه للقضاء على البطالة وجنيه برسيم للبغل اللى هيجر الكارو يعنى حوالى 113 جنيه زيادة خدوا بالكم من الرقم "مئة وثلاثة عشر جنيها" مصاريف حمل ونقل و5 مليون دولار ثمن "صهينة" يبقى الحسبة كلها 35 مليون دولار ،113 جنيه مصرى وعلى فكرة الـ 3 جنيه قبل ال 35 مليون دولار الحق حق،لكن أكيد يوجد فى مصر تنظيم جديد اسمه تنظيم "الفراعنه الجدد" تحرسه الآلهة "طرطور" لعودة الآثار إلى الملك خوفو وخفرع ومنقرع يا خوفى يكون فرعون موزع عيونه فى كل منطقة ونصبح الصبح نلاقى الأهرامات اتحملت وراحت فى "السيكو سيكو" كان فيه واحد صاحبى كل متحصل حاجة يقول لى خلاص رحنا فى "السيكو سيكو" هههههههههه آه يا مصر نفسى أعرف إيه اللى بيحصل فيها.

تحديث
ــــــــــــــــ

أفادت بعض التقارير أن الإله "حتحور" قد وجد فى الصحراء القريبة من المعبد الذى يوجد به "حتحور" باشا ونطمئن كل "الحتاحير" أن الإله قد عاد سالما وأن الفراعنة بخير وأن الموضوع كان عبارة عن تجربة أو "بروفة" لاختبار قدرة الإله حتحور" على حماية نفسه ولاشك أن بركات الإله "طرطور" قد باركتهم وتضامن مع الإله "حتحور" حفاظا على الوجاهة والمنظرة لحين هوجة كبيرة ستخرج كل "الحتاحير" بمباركة كل "الطراطير" وعاش "حتحور" الكبير.

3 التعليقات:

juevara يقول...

بجد مقال هايل وغير عادي واسلوب جديد في كتابتكم .........ززالله ينور بجد وبلا مبالغة وبورك في كبير الألهة طرطور له المجد في ارض النيل

م / احمد منير يقول...

يا صلاة النبى
هى يعنى هتيجى على "حرور"
انا بقول اللى بيدور على اى حاجة من بتاعة الفراعنة يجى مصر (بلد الفراعنة) ياخد كل اللى نفسه فيه "ومحدش هيقولك لأ " كل اللى عليك بس تجيب (بغل صحته كويسه عشان يقدر يجر) ومصر عليها الانفار اللى هتشيل يعنى من الاخر انت بس هتتكلف 3 جنيه بس يا بلاش.....
عارفين بقى ايه سبب السرقات دى؟؟؟؟؟؟
ان كلاب الحراسه فى مصر متعاطفة مع الحرامية (لان كلاب الحراسة جعانه والحرامية برضه جعانة) يعنى المصلحة واحدة
اااااااااااااااااه يا بلد ......

قلــ"بـــلال"ــــــب فارس يقول...

حتى حتحور
هينسرق
.....
يلا
اصل المحفظة بتاعتى اتسرقت من مدة كده
ههههههههه
مش الحكومة بس الحرميه

إرسال تعليق