مرحبا بكم أعزائى زوّار مدونة لقمة عيش ، ونلفت الانتباه إلى أن جميع المقالات المنشورة خاصة بصاحب ومحرر المدونة مالم يشار إلى إسم أو مصدر آخر - مع خالص تحيات المحرر: أبوالمعالى فائق

الأربعاء، 8 أبريل 2009

2 غدا 9 أبريل مصر بدون عيادات طبية خاصة

ضمن مسلسل لىّ ذراع الحكومة المصرية يقوم الأطباء أصحاب العيادات الخاصة غدا الخميس 9 أبريل2009 بإضراب لمدة يوم واحد تحت شعار " صحتكم فى أعناقنا .... وحقوقنا فى أعناقكم " ويأتى هذا الإضراب احتجاجا على مماطلة الحكومة فى صرف الكادر الخاص بالأطباء وكانت نقابة الأطباء بحضور أمين عام النقابة الدكتور حمدى السيد والدكتور عصام العريان أمين الصندوق قد عقدت جمعية عمومية الجمعة 27/3/2009 ناقشت بعض قضايا ومشاكل الأطباء وقد قرروا أن يكون يوم 9 أبريل 2009 هو يوم إضراب للعيادات الخاصة وربما توقع النقابة العامة جزاءات على أى طبيب يخالف قرار الإضراب ،وقد قامت النقابات الفرعية بتوزيع ولصق لافتات على مداخل البنايات التى يوجد بها عيادات خاصة وكذلك على المصاعد وفى أماكن متفرقة حيث التواجد المكثف للعيادات الخاصة .

2 التعليقات:

غير معرف يقول...

ملـــــــك روحي

(صحتكم في اعناقنا وحقوقنا في اعناقكم) شعار فاشل لاضراب فاشل!
حتي الاطباء بيستخدموا اساليب غير شرعيه للضغط علي الحكومه والناس المريصه ذنبهم ايه واي حقوق بيتكلموا عليها ؟ هو مين اللى اقسم اليمين الاطباء ولا المرضي المساكين اللي زيهم زي بقيت الشعب المغلوب علي امره في حاجات كتير .. اغلاق العيادات في وجه الناس واستخدامه كسلاح ضغط للحصول علي المطالب هو اسلوب مبتذل لا يجوز ان يصدر من فئه راقيه علميا واخلاقيا زي فئه الاطباء.. لان مهنتهم امانه سياحسبوا عليها يوم القيامه
وبعدين هو الدكتور اللي فاتح عياده ودخله المادي مرتفع جدا محتاج مجرد كادر او حوافز اضافيه هاتكون كام يعني؟؟ وكمان ايه موضوع ان النقابه هاتوقع عقوبه علي الاطباء الممتنعين عن اغلاق العيادات !! يعني هو الاضراب بالعافيه الاضراب اذا ماكانش نابع عن قناعه تامه يبقي قلته احسن وخدوا العبره من اضراب 6 ابريل الفاشل.
وعلشان ااكدلكم ان ده كله مجرد قرارات غير مدروسه يوم الخميس والجمعه اجازه طبيعيه في معظم عيادات مصر وانا كمواطنه عشت في السويس والمنصوره اعلم جيدا ان العيادات الخاصه بتكون مغلقه يومي الخميس والجمعه باستثناء بعض اطباء الاطفال والولاده.
اكتر جمله بتغيظني اوي لما بسمعها من الدكاتره انهم ياعيني طلع عينهم في المذاكره وضيعوا سبع سنين واكترمن عمرهم علشان يطلعوا يخدموا الشعب .الحكومه اللي عاملينها شماعه لاضراباتكم هي اللي علمتكم تعليم مجاني في المدارس والجامعات لغايه
مابقيتوا دكاتره مش كده ولا ايه !!
اتقــــوا الله .صدمتنا فيكم كبيره !

ااسف للاطاله وتحياتي للجميع

Unknown يقول...

أستاذة ملك واضح إن حضرتك متابعة جيدا للوضع فى مصر والمشكلة أن الحكومة هى التى ورطت نفسها ووعدت بإعطاء الكادر وخصصت له ميزانية لكنها لم تفى بوعدها ثم الإضراب يوم الخميس فقط وليس الجمعة وإذا زى حضرتك ما ذكرت إنه يوم إجازة يبقى خلاص يوم عادى لكن سأذهب غدا غلى العيادات وأشوف يا ترى فيه مرضى منتظرين خارج العيادة أم لا مع تمنياتى لكل المرضى بالشفاء العاجل .

إرسال تعليق