إلى الشهيد الحي إبراهيم شكرى ( قلب ينزف )
من صغر سني .. وأناشايفك يا شكري .. جدار أمان
سد عالي
مين اللي قال أنك رحلت ؟!!
مين اللي قال أنك بعدت ؟!!
د إن دورت في كل قلب شريف عفيف
من حفي عشان رغيف
هتلاقي صورتك جوا منه
هتلاقي فكر أحمد حسين
هتلاقي مصر الفتية تقولهم .. حبايبها
فين
دا الموت يا شكري
مش أن الروح تروح للي رووحها
الموت هو أحنا فيه
ولا قادرين نمطوحهاولا عارفين نفرحها
أمانةعليك تسلم لي على الشرفا
العارفين لمين ضحوا ..ومين باعها
ومين شايل على أكتافه نعش شهيد
ومين شايل على أكتافه تمن بيعها
وسلملي على رضوان ..وسلملي على الجنة
وأن سألك ملاك في حساب
ما تقولش دي كات محنة
قول أحنا اللي ماقدرناش
نكون أنت
وإن العولمة جاتنا تفرق روحنا عن ذاتنا
ومصر اللي سهامها جنود
كتفها اللئيم بعهود
مع اللي نقضوا عهد الله
وعهد الله
لا هنفارق ولا نفرق
ألقاها حسين راشد في تأبين المهندس إبراهيم شكري بمقر الحزب الناصري بالمحلة يوم 27/8/2008بحضور رئيس حزب العمل الأستاذ محفوظ عزام ولفيف من قادة الأحزاب المصرية .. الحزب العربي الناصري / حزب العمل / / حزب الوفد/ الشيوعين المصريين/ حزب التجمع / الإخوان المسلمين وحركة كفاية
|
|
|
0 التعليقات:
إرسال تعليق