البنت الأمورة دى اللى على اليمين اسمها ( مصر ) طبعا مع حبايبها ( سندس وأمانى ) الحقيقة كنت فى السويس لحضور حفل تأبين الراحل إبراهيم شكرى والمسيرى وصدقى وسمعت أحد الجالسين ينادى على أحد الناس باسم ( أبو مصر ) ولمّا تعرفت عليه وجدته إنسان محترم ناشط سياسى يعمل من أجل جماهير السويس ومعه الأستاذ السعيد طنطاوى أمين حزب العمل وكذلك الأخ الفاضل وليد عوض من حزب العمل أيضا وطبعا أبو مصر هو الأستاذ محمد يوسف أمين حزب الغد بالسويس فطلبت منه أن يعطنى صورة لست الكل مصر فوعدنى أن يرسلها لى وبالفعل أرسلها مع الأخ وليد الذى تقابلت معه فى مركز الدراسات العربية فى القاهرة فى لقاء إختيار رئيس حزب العمل بعد رحيل زعيمه إبراهيم شكرى والعظيمة ( مصر ) من مواليد 26/ 6 /97 وهى فى الصف السادس بالمدرسة التجريبية الفرنسية بالسويس مش بس كده وهى مقررة اللجنة الثقافية بالمدرسة ورئيس لجنة حقوق الإنسان ببرلمان الأطفال يعنى طالعة مشاغبة زى أبوها وحاصلة على المركز الأول من المركز الثقافى الفرنسى ، واسمعى يا حبيبة الملايين يا ست الكل يا ( مصر ) لازم تعرفى إنك تحملى أغلى اسم فى الوجود ياااااااااااااااااااااااااا مصر والاسم ده يا ست الكل يحملك مسئولية كبيرة صح أنا سامعك وانت بتقولى صح والبركة فى بابا وماما أكيد غرسوا فيك معنى حب مصر علشان كده أطلقوا عليك اسم ( مصر ) فهنيئا لك ولأسرتك المناضلة وعقبال ما يكون لك أخت اسمها كفاية وألف ميت مليون مبروك على تفوقك ولك تحياتى
|
|
|
0 التعليقات:
إرسال تعليق