0 إرتفاع الأسعار وحرامية الطماطم

كنا من قبل نسمع عن سرقة سيارات أو سرقة فلل أو عمارات أو حتى مواشى أو فراخ من فوق السطوح ، لكن بالله عليكم سمعتم عن سرقة كيلوات من الطماطم أو الباذنجان المهم اليوم ذهبت أم العيال تشترى حاجات البيت من السوق ورجعت وحالها حال سألتها خير بصت وقالت هيعملوا فينا إيه أكتر من كده أنا كنت فاكر إن أم العيال ضاعت منها فلوس السوق ، لكن الموضوع كان أخطر من فلوس السوق وده له دلالة خطيرة قالت واحدة اشترت كيلو لبن ووضعته بجوارها لتشترى طماطم وفى غمضة عين لم تجد اللبن وسيدة تصرخ من بعيد الحقونى سرقوا الرز وأخرى تقول جايبة 2 كيلو طماطم وعلى ما جيت أطلع الفلوس لم أجد الطماطم كله ده بسبب غلاء الأسعار اللى خلى الناس البسيطة تسرق الناس اللى زيهم والله ياحضرات واحد راح يشترى عيش ووضعه بجواره حتى يتهوى وبعد أقل من خمس دقائق لم يجد العيش يا ترى العيب فين .. يا ترى العيب فى الشعب أم النظام أم فى الاتنين معا ايه اللى جرى .. ايه اللى حصل فيك يامصر باعوك يا مصر ونهبوك يا مصر فيه حد من المسئولين الحلويين اللى ماشيين على نظرية كله تمام يا فندم على العموم إحنا بنبلغ ونحذر علشان ميطلعش مسئول كان نايم فى العسل يقول مكنتش أعرف اللى بيحصل سنقول له أنت كذاب يا مسئول لأن اللى بيحصل كل الناس تعرفه ازاى سعادتك متعرفوش . فكر فيها .